La bona poesía nun ta riñida col munchu cuentu. En La Cenicienta de Toya (testu de Victoria Jove Crespo y ilustraciones de Cris Mencía) el bonal maxisteriu de Gianni Rodari rescampla nun prestosu relatu en versu onde se produz lapaición disruptiva dun mosquitu bullindiegu que tracamundia los planes de La Cenicienta y del Príncipe. Y, claro, les coses, son yá dotra manera mui estremada a como nos les contaron otros autores. Lhumor candial y los musicales octosílabos paecen llamar a lleelu en voz alta, arrodiaos de reciella.